ایک نیوز:ترکیہ کے نوجوان اداکار محمد ایمرے اوشتپےکا دورہ پاکستان، محبتوں بھرا پیغام دیا۔
ڈرامہ سیریزارطغل غازی میں ننھے کورلوس عثمان کا کردار ادا کرنے والے محمد ایمرے اوشتپے پاکستان کے دورے پر ہیں،دورہ پاکستان کے دوران محمد ایمرے اوشتپے نے مختلف سیاحتی مقامات کا بھی دورہ کیا ۔
اداکار محمد ایمرے اوشتپے نے اپنے جذبات کا اظہار کرتے ہوئےکہا کہ"مجھے پاکستان آ کر بہت خوشی ہوئی"پاکستانیوں کی محبت نے مجھے بہت متاثر کیا ہے، محمد ایمرے اوشتپےنے کہا کہ مجھے خوشی ہے کہ پاکستانی عوام نے ارطغرل ڈرامہ کو اتنا پسند کیا اور سراہا۔
یہاں کے خوبصورت مقامات دیکھ کر میں بہت محظوظ ہوا اور پاکستانی ثقافت سے بھی بہت کچھ سیکھا، مجھے امید ہے کہ مستقبل میں پاکستان اور ترکیہ مشترکہ پروجیکٹس پر کام کریں گے،میں پاکستانی عوام کی ترکیہ کیلئے محبت اور ترکیہ کے ڈراموں کو سپورٹ کرنے پر تہہ دل سے شکر گزار ہوں۔