ایک نیوز:وزیراعلیٰ پنجاب مریم نوازنےاپنی نوعیت کا پہلا اور منفردپروگرام (آغوش )متعارف کروادیا۔
پروگرام کے تحت دو سال سے کم عمربچوں کی مائیں اور حاملہ خواتین کوآغوش پروگرام کے تحت 23ہزار روپے ملیں گے ،پہلے مرحلے میں 13اضلاع میں پروگرام کے تحت نومولود بچوں کی ماؤں اور حاملہ خواتین کوامداد ی رقم ملے گی۔
پروگرام میںڈیرہ غازی خان، تونسہ، راجن پور، لیہ، مظفر گڑھ اور کوٹ ادو سے آغاز بہاولپور، رحیم یارخان، بہاؤلنگر، بھکر، میانوالی، خوشاب اور لودھراں شامل ہیں،حاملہ خاتون کی پہلی دفعہ مراکز صحت/ مریم ہیلتھ کلینک میں رجسٹریشن پر2ہزارروپے دیئے جائیں گے، حاملہ خاتون کوبچے کی پیدائش تک متواتر طبی معائنہ کے لئے وزٹ پر امدادی رقم دی جائے گی۔
مراکز صحت سے مفت طبی معائنہ کے بعد پروگرام کے کیش ایجنٹ سے امدادی رقم حاصل کی جا سکے گی ،حاملہ خواتین کو ہر بارمراکز صحت وزٹ پر1500 روپے ملیں گے، ٹوٹل رقم 6ہزار روپے دیے جائینگے،پروگرام کے تحت مرکز صحت پر بچے کی پیدائش پر4ہزارروپے کاتحفہ ملے گا ،پیدائش کے بعد 15دن کے اندر پہلے طبی معائنے پر2ہزار روپے ملیں گے ۔
پیدائشی سرٹیفکیٹ کا مرکز صحت میں اندارج کروانے پر 5ہزار روپے دیئے جائیں گے،پروگرام کے تحت نومولود بچے کو حفاظتی ٹیکے لگوانے پر 4ہزار روپے ہر بار 2ہزارروپے دیئے جائیں گے ، و ز یر ا علیٰ مریم نوازشریف کی ہدایت پر خواتین کی رہنمائی اور معلومات کے لئے خصوصی ٹال فری نمبر بھی قائم کر دیا گیا ہے۔
مریم نواز کا کہنا ہے کہ صحت اور علاج ہر ماں اور بچے کا بنیادی حق ہے حکومت اپنا فرض ادا کرے گی، ہسپتالوں میں ماؤں اور بچوں کو بیماری کی حالت میں دیکھنا انتہائی تکلیف دہ ہے، سرکاری وسائل پرپسماندہ اور دوردراز علاقوں کے عوام کا پورا پورا حق ہے، ماں اور بچے کی صحت خصوصی توجہ کی متقاضی ہے، صحت مند ماں ہی صحت مندخاندان کی ضامن ہے۔
rn
rn
rn
rn
