ویب ڈیسک:اداکارہ بشریٰ انصاری نے کہا ہے کہ جب رمضان ٹرانسمیشن نہیں تھی تو تب بھی لوگ زیادہ عبادت کرتے تھے۔
تفصیلات کے مطابق بشریٰ انصاری نے اپنے وی لاگ میں رمضان ٹرانسمیشن کے حوالے سے اظہار خیال کرتے ہوئے کہا کہ آج کل رمضان میں رونق لگی ہے ، ہر گھر میں طرح طرح کے کھانے پکائے جارہے ہیں، سحری اور افطاری کا بہترین اہتمام کیا جاتاہے اور ہر ٹی وی چینل پر کچھ نا کچھ سکھایا جارہا ہے۔
سینئر اداکارہ نے کہا کہ آج کل رمضان رونقی ہوگئے ہیں، پہلے کے رمضان ایسے نہیں تھے، شاید وہ وقت اچھا بھی تھا، اب میں بھی رمضان ٹرانسمیشن میں جاتی ہوں، ٹرانسمیشن دیکھ کر روزے کا وقت گزر جاتا ہے۔
اداکارہ نے مزید کہا کہ جب ہم رمضان ٹرانسمیشن نہیں دیکھتے تھے تو عبادت زیادہ کرتے تھے، قرآن پاک اور تسبیح زیادہ پڑھتے تھے۔
