ایک نیوز: وزارت خزانہ  کی جانب سے مارچ  کا  معاشی آؤٹ لک جاری کردیا  گیا۔

 رپورٹ کے مطابق ترسیلات زر، برآمدات، درآمدات، محصولات، نان ٹیکس آمدنی میں اضافہ ہوا،   مالی خسارے اور مہنگائی میں کمی، سٹیٹ بینک کے ذخائر میں اضافہ ہوا ہے ۔ 

مارچ میں مہنگائی بڑھنے کی رفتار 1 سے 1.5 فیصد رہنے کا امکان ہے،   اپریل میں مہنگائی بڑھنے کی شرح 2 سے 3 فیصد رہنے کی توقع ہے ،فروری میں چینی، ڈیری اور ویجیٹبل آئل کی قیمتوں میں اضافہ ہوا، ان اشیاء کی مہنگائی 8.2 فیصد سے بڑھ کر 9.7 ریکارڈ کی گئی،8 ماہ میں مہنگائی کی شرح 5.9 فیصد ریکارڈ کی گئی، گزشتہ مالی سال اسی عرصے میں مہنگائی کی شرح 28 فیصد تھی۔ 

وزرات خزانہ کے مطابق    جولائی سے فروری بڑی صنعتوں کی پیداوار میں 1.78 فیصد کی کمی ہوئی، بیرونی سرمایہ کاری میں سالانہ بنیادوں پر 11.8 فیصد کا اضافہ ہوا، فروری میں بیرونی سرمایہ کاری میں 67.5 فیصد کی کمی ہوئی، ترسیلات زر میں جولائی تا فروری 32.5 فیصد کا اضافہ ہوا، برآمدات میں رواں مالی 7.2 فیصد اور درآمدات میں 11.4 فیصد کا اضافہ ہوا، کرنٹ اکاؤنٹ خسارہ سرپلس اور روپے کی قدر میں معمولی کمی ہوئی ۔