ایک نیوز: وزیر اعلیٰ پنجاب مریم نواز شریف نے عید تعطیلات ختم ہونے پر مسافروں کی واپسی کے پیش نظر مقررہ کرایوں کی وصولی یقینی بنانے کی ہدایت کی ہے۔
تفصیلات کے مطابق وزیر اعلیٰ پنجاب مریم نواز شریف نے کرائے اوور چارجنگ کے سدباب کی مہم جاری رکھنے کا حکم دیا ہے، اور عید تعطیلات ختم ہونے پر مسافروں کی واپسی کے پیش نظر مقررہ کرایوں کی وصولی یقینی بنانے کی ہدایت کی ہے۔
وزیراعلیٰ پنجاب نے کہا ہے کہ لاہور اور دیگر شہروں میں مسافروں سے زیادہ کرایہ وصول کرنے والوں کیخلاف کارروائی کی جائے ، اوور چارجنگ کی صورت میں مسافروں سے وصول کردہ کرایہ واپس کرائیں اور بس عملے پر جرمانہ عائد کیا جائے ۔
مریم نواز شریف نے ہدایات جاری کرتے ہوئے کہا ہے کہ گاڑی کی فٹنس چیک کریں، قابل مرمت گاڑیوں کو ہرگز مسافروں کی زندگی خطرے میں ڈالنے کی اجازت نہ دی جائے ، کسی روٹ پر گاڑیوں میں اوورلوڈنگ نہ کرنے دی جائے ، ٹریفک قوانین کی مکمل پابندی کرائی جائے ۔
rn
rn
