ایک نیوز:اسلام آباد غیر ملکیوں کی ملک بدری کے پلان کا دوسرا مرحلہ ،افغان سیٹیزن کارڈ ہولڈرز کی رضاکارانہ واپسی کی مدت ختم،ایکشن شروع  ہوگیا۔ 

ذرائع کے مطابق اسلام آباد راولپنڈی میں خفیہ اطلاعات پر کارروائیاں،60باشندے زیر حراست    لیے گئے،جڑواں شہروں میں کارروائیاں پولیس اور حساس اداروں نے مل کر کی ہے۔ 

ذرائع   نے بتایا  کہ ا سلام آباد کے ترنول،بھارہ کہو،غوری ٹاؤن اور میرآبادی میں سرچ آپریشن کیا گیا ،  جہاں سے  افغان سیٹیزن کارڈ رکھنے والے 22 باشندوں کو حراست میں لیا گیا،  راولپنڈی کی فوجی کالونی اور ملحقہ علاقوں سے 38 افراد کو پکڑا گیا، تمام افغان باشندے پرانا حاجی کیمپ میں واقعے عارضی کیمپ میں منتقل  کر دیئے گئے ، عارضی کیمپ میں رجسٹریشن کے بعد تمام افراد کو لنڈی کوتل لے جایا جائے گا، لنڈی کوتل کیمپ میں افغان باشندوں کی بائیومیٹرک کے بعد وطن واپسی ہوگی ،پہلے مرحلے میں فارن ایکٹ کے تحت گرفتار افغان باشندوں کو بھجوایا جائے گا، جیلوں میں بند افغان باشندوں کو آج لنڈی کوتل کیمپ منتقل کردیا جائے گا۔   

خیال رہے کہ  ملک میں سب سے زیادہ افغان باشندے صوبہ خیبر پختونخوا میں مقیم ہیں۔

واضح رہے کہ   پی او آر کارڈ رکھنے والے باشدے 30 جون 2025 تک پاکستان میں رہ سکتے ہیں۔