ویب ڈیسک:وزیر اعلیٰ خیبرپختونخوا علی امین گنڈاپور  اور مشیر اطلاعات کے پی کے بیرسٹر ڈاکٹر سیف  کی اڈیالہ جیل میں  بانی  پی ٹی آئی سے اڈیالہ جیل میں طویل ملاقات کی اندرونی کہانی سامنے آگئی۔

ذرائع   کے مطابق وزیراعلیٰ  خیبر پختونخواہ  علی امین گنڈا پور کی   بیرسٹر سیف کے ہمراہ بانی پی ٹی آئی سے اڈیالہ جیل راولپنڈی میں ملاقات کانفرنس روم میں تقریبا اڑھائی گھنٹے تک جاری رہی، طویل ملاقات کا محور اسٹیبلشمنٹ سے مذاکرات تھا۔

بانی پی ٹی آئی نے علی امین گنڈاپور پر مکمل اعتماد کا اظہارکرتے ہوئے انہیں اور بیرسٹر سیف کو اسٹیبلشمنٹ سے بات کرنے کا ٹاسک دیدیا ہے  ،بانی نے  گنڈاپور کو خیبرپختونخوا حکومت اپنے طریقے سے چلانے کا بھی سگنل دیا ہے۔

ذرائع کے مطابق گنڈا پوراور بیرسٹر سیف ملاقات کے دوران بانی پی ٹی آئی کو مذاکرات کے لئے قائل کرنے میں کامیاب ہوگئے، جس کے بعد  بانی پی ٹی آئی  نے گنڈا پور اور بیرسٹر سیف کو اسٹیبلشمنٹ سے مذاکرات کا ٹاسک  دیدیا ہے۔

ملاقات میں  بانی  پی ٹی آئی نے علی امین خان گنڈاپور پر مکمل اعتماد کا اظہارکرتے ہوئے کہا کہ خیبرپختونخوا حکومت میرے سب سے بااعتماد اور مجاہد کارکن کے پاس ہے، خیبر پختونخوا حکومت اس وقت ریاست مدینہ کے طرز پر خدمات و سہولیات فراہم کررہی ہے، انتشاری ٹولہ چاہے اندر ہوں یا باہر کسی بھی صورت کامیاب نہیں ہوگا۔

بانی پی ٹی آئی نے کہا کہ دہشتگردی کیخلاف  جنگ نہیں، بلکہ مذاکرات کے  مؤقف  کی مکمل تائید کی، ملاقات میں افغان باشندوں کی باعزت واپسی کے فیصلے پر بھی بانی چیئرمین کو اعتماد میں لیا گیا،  عمران خان نے کہا سپیکر بابر سلیم سواتی کا معاملہ خیبر پختونخوا کا اندرونی معاملہ ہے،  گنڈا پور  حتمی فیصلہ خود کریں۔

ذرائع  کا کہنا ہے کہ  اڈیالہ جیل میں طویل ملاقات کے دوران بانی پی ٹی آئی نے گنڈا پور اوربیرسٹر سیف کو اسٹیبلشنٹ سے مذاکرات کا ٹاسک  دیتے ہوئے  ہدایت کی کہ کسی پیشرفت تک مذاکرات خفیہ رکھے جائیں۔