ویب ڈیسک:انسداد دہشتگردی عدالت لاہور نے ڈرامہ نگار خلیل الرحمان قمر کو ہنی ٹریپ کرنے اور اغوا برائے تاوان کیس کا فیصلہ سنا دیا ہے۔

عدالت نے مجرمہ آمنہ عروج، ممنون حیدر اور ذیشان کو 7، 7 سال قید کی سزا سنا دی، انسداد دہشتگردی عدالت کے جج ارشد جاوید نے فیصلہ سنایا، عدالت نے مقدمے کے مزید ملزمان کو مقدمے سے بری کر دیا۔

عدالت نے  ملزمان  کو تاوان مانگنے پر سزا سنائی، عدالت نے فیصلے میں کہا کہ ملزموں پر اغوا کرنا ثابت نہیں ہوتا، 3 ملزموں کو 7، 7 سال قید کی سزا سنائی جاتی ہے۔

مقدمہ کے مدعی خلیل الرحمان قمر کی جانب سے ایڈووکیٹ محمد مدثر چودھری پیش ہوئے۔  

 خیال رہے کہ  خلیل الرحمان قمر کو ہنی ٹریپ اوراغوا کرنے کا واقع 15جولائی کو پیش آیا تھا اوا اس کامقدمہ 21 جولائی ء2024 کو درج کیا گیا، تھانہ سندر پولیس نے 11ملزموں کیخلاف  مقدمے کا چالان پیش کیا۔

واضح رہے کہ  لاہور کی انسداد دہشتگردی کی خصوصی عدالت کے جج ارشد جاوید نے 9ماہ میں کیس کا ٹرائل مکمل کیا پراسکیوشن کے 17 گواہوں کے بیانات قلمبند کئے، پراسکیوشن کے گواہوں میں خلیل الرحمٰان قمر اور ان کا  دوست، پولیس اور بینک کا عملہ شامل تھا۔