ویب ڈیسک:پاکستانی فیشن انڈسٹری کی ابھرتی ہوئی ماڈل اور معروف ٹک ٹاکر رومیسا سعید ایک انتقال کرگئیں۔

رومیسا ایک روڈ حادثے میں زخمی ہونے کے بعد دورانِ علاج خالق حقیقی سے جا ملیں۔

رومیسا سعید کا شمار ان ماڈلز میں ہوتا تھا جو فیشن اور سوشل میڈیا دونوں میدانوں میں تیزی سے مقبولیت حاصل کر رہی تھیں۔ 

وہ نہ صرف فیشن شوز میں اپنی دلکش شخصیت کے باعث نمایاں رہیں بلکہ ٹک ٹاک اور انسٹاگرام پر بھی ہزاروں مداحوں کی توجہ کا مرکز تھیں،رومیسا چند روز قبل فیصل آباد کے قریب ایک ٹریفک حادثے کا شکار ہوئیں۔ 

حادثے میں انہیں شدید چوٹیں آئیں اور انہیں فوری طور پر مقامی ہسپتال منتقل کیا گیا، جہاں وہ کئی دن تک زیرِ علاج رہیں تاہم گزشتہ روز17اکتوبر کو وہ زخموں کی تاب نہ لاتے ہوئے انتقال کر گئیں۔

مرحومہ کی نمازِ جنازہ فیصل آباد میں ادا کی گئی، جس کے بعد تدفین ننکانہ صاحب کے مقامی قبرستان میں عمل میں آئی۔