ویب ڈیسک:معروف سوشل میڈیا انفوئنسر چاہت فتح علی خان نے بیرونِ ملک اپنے ساتھ پیش آنے والے انڈے مارنے کےواقعے پر خاموشی توڑ دی۔
چاہت فتح علی خان اپنے وائرل گانے ’بدو بدی‘ اور مزاحیہ انداز کیوجہ سے دنیا بھر میں پہچانے جاتے ہیں، اِنہیں گزشتہ ماہ ایک ریستوران کی افتتاحی تقریب میں شرکت کے دوران نامعلوم افراد کیجانب سے انڈوں سے نشانہ بنایا گیا تھا۔
چاہت فتح علی خان کا کہنا تھا کہ وہ ایک تقریب میں شرکت کے بعد ریستوران سے باہر نکل رہے تھے تو سیکیورٹی گارڈز نے اِن سے تصاویر لینے کی خواہش ظاہر کی،اسی دوران چند افراد نے اچانک اِن پر انڈے پھینک دیے، یہ واقعہ ان کیلئےدردناک اور توہین آمیز تھا اور وہ اس وقت حیران اور افسردہ رہ گئے۔
ایک انٹرویو میں چاہت فتح علی خان نےبتایا کہ ریستوران انتظامیہ نے واقعے کے بعد کوئی تعاون نہیں کیا اور سی سی ٹی وی فوٹیج فراہم کرنے سے بھی انکار کر دیا۔
بعد ازاں معلوم ہوا کہ ریستوران کے مالک کا تعلق بھارت سے ہے جسکے بعد میں نے خدشہ ظاہر کیا کہ ممکنہ طور پر مجھے نشانہ بنایا گیا ہے۔
چاہت فتح علی خان نے اس واقعے پر قانونی کارروائی کی ہے تاکہ ملزمان کو سزا مل سکے۔
