ویب ڈیسک:لاہور کی ضلعی کچہری نے معروف ڈرامہ نگار خلیل الرحمان قمر کی مبینہ ویڈیو بنانے کے مقدمے میں گرفتار ملزم ممنون حیدر کی ضمانت خارج کردی۔
ضلعی کچہری لاہور میں خلیل الرحمان قمر کی مبینہ ویڈیو کے مقدمے کی سماعت ہوئی، مقدمے میں مدعی کی جانب سے مدثر چوہدری ایڈووکیٹ نے دلائل پیش کیے۔
عدالت نے ملزم ممنون حیدر کی ضمانت خارج کرنے کی درخواست پر فیصلہ جاری کردیا۔
عدالت کا کہنا تھا کہ اگرچہ ضمانت ملزم کا قانونی حق سمجھا جاتا ہے تاہم ناقابلِ ضمانت جرائم میں یہ حق لا گو نہیں ہوتا۔
تفتیش سے ظاہر ہوا کہ ملزم ممنون حیدر کے موبائل فون سے قابلِ اعتراض ویڈیو بنائی گئی جو کہ ایک سنگین سائبر کرائم ہے، اس نوعیت کے مقدمات کو معمولی نہیں سمجھا جا سکتا کیونکہ یہ افراد کی ساکھ اور نجی زندگی پر براہِ راست اثر ڈالتے ہیں۔
ملزم پر عائد الزامات کے تحت درج دفعات ناقابلِ ضمانت ہیں، عدالتی فیصلے کے مطابق ممنون حیدر کی سزا کے خلاف اپیل لاہور ہائی کورٹ میں زیرِ سماعت ہے جہاں اسکی سزا معطلی کی استدعا منظور کی جا چکی ہے۔
