ایک نیوز:ہفتہ وار مہنگائی کی شرح میں 0.12 فیصد کااضافہ ہوگیا،مہنگائی کی مجموعی سالانہ شرح 5.05 فیصد پر پہنچ گئی، ادارہ شماریات نے مہنگائی سے متعلق ہفتہ وار رپورٹ جاری کردی۔

ادارہ شماریات کی جانب سے جاری کردہ رپورٹ کے مطابق ایک ہفتے میں 14 اشیاء مہنگی اور 10 سستی ہوئیں، جبکہ 27 اشیائے ضروریہ کی قیمتیں مستحکم رہیں۔

رپورٹ کے مطابق ایک ہفتے میں پیاز 59.54 اور انڈے 3.24 فیصد مہنگے ہوئے، چکن 2.40 فیصد اور لہسن 1.72 فیصد مہنگا ہوا،کوکنگ آئل ، گھی اور آٹا بھی مہنگا ہوا۔

رپورٹ کے مطابق  ایک ہفتے میں ٹماٹر47.02 اور دال چنا 1.66 فیصد سستی ہوئی، دال مسور ، مونگ اور ایل پی جی بھی سستی ہوئی۔