ویب ڈیسک:سوشل میڈیا انفلوئنسروقار ذکا کا کہنا ہے کہ وہ پاکستان کے وزیرِاعظم بننا چاہتے ہیں اور ٹیکنالوجی موومنٹ پاکستان کے پلیٹ فارم سے5سال بعد انتخابات میں حصہ لے کر پارلیمنٹ تک پہنچنے کا ارادہ رکھتے ہیں۔
ان کا کہنا تھا کہ2029میں الیکشن ضرور لڑنا ہے اور وزیراعظم بننا ہے ورنہ اپوزیشن میں بیٹھیں گے، ا ن کا کہنا تھا کہ ہمارا کسی جماعت سے کوئی اختلاف نہیں ہے۔
Pakistani tech-entrepreneur Waqar Zaka says he wants to become the prime minister of Pakistan, will stand in elections in 5 years from the platform of Technology Movement Pakistan (TMP) to reach the Parliament @ZakaWaqar pic.twitter.com/NB6I7hvzW6
— Murtaza Ali Shah (@MurtazaViews) November 5, 2025
انہوں نے پاکستان تحریک انصاف سے وابستہ سابق رہنماؤں اور کارکنوں کو دعوت دیتے ہوئے کہا کہ وہ ٹیکنالوجی موومنٹ پاکستان میں شامل ہوں کیونکہ ان کی جماعت کا مقصد مثبت سیاست کو فروغ دینا ہے۔
ان کا مزید کہنا تھا کہ ہماری سیاسی جماعت کا ایک ہی مقصد ہے کہ نہ ہم نے کسی کی برائی کرنی ہے، نہ جگت بازی کرنی ہے اور ثابت کرنا ہے کہ ٹیکس کے پیسوں سےٹی وی پر بیٹھ کر جگت بازی نہیں ہونی چاہیے۔
انہوں نے کہا کہ ایم این اے اور ایم پی اے کا کام پالیسی بنانا ہے سڑک بنانا نہیں تو جتنے بھی نوجوان ہیں انہیں اس جماعت میں خوش آمدید کہتے ہیں۔
