ایک نیوز:ایچ بی ایل پی ایس ایل 10 کی ٹکٹوں  کی فروخت  کے حوالے سے  تفصیلات کے آگئیں۔

تفصیلات کےمطابق ایچ بی ایل پی ایس ایل 10 کی ٹکٹوں کی فروخت 3 اپریل سے شروع ہوگی، ٹکٹ جمعرات کو سہ پہر 3 بجے PCB.tcs.com.pk پر آن لائن دستیاب ہوں گے۔

فزیکل ٹکٹ 7 اپریل سے ملک بھر کے ٹی سی ایس ایکسپریس سینٹرز پر دستیاب ہوں گے،آن لائن بک کی گئی ٹکٹیں ٹی سی ایس کے مقرر کردہ  پک اپ مراکز سے بھی حاصل کی جا سکتی ہیں یا ٹی سی ایس کے ذریعے گھر پر پہنچائی جا سکتی ہیں۔

خیال رہے کہ  ایچ بی ایل پی ایس ایل  چار شہروں کراچی، لاہور، ملتان اور راولپنڈی میں کھیلی جائے گی جس کا فائنل 18 مئی کو قذافی سٹیڈیم لاہور میں ہوگا، پی ایس ایل کے چاروں وینیوز کے عام ٹکٹ   650  روپے میں دستیاب  ہوں گے۔ 

اسلام آباد یونائیٹڈ اور لاہور قلندرز کے درمیان راولپنڈی کرکٹ اسٹیڈیم میں افتتاحی میچ کے ٹکٹ 1000 روپے سے 8500 روپے تک دستیاب ہوں گے۔

شائقین کی مصروفیت اور دلچسپی میں اضافہ کرنے کے پی سی بی کے وژن کے ایک حصے کے طور پر، ہر میچ کے دوران ایک ٹکٹ ریفل کا انعقادبھی  کیا جائے گا جس میں شائقین دلچسپ انعامات  حاصل کرسکیں گے ۔مزید تفصیلات مناسب وقت پر شیئر کی جائیں گی۔