ایک نیوز:پاکستان کرکٹ بورڈ نے پی ایس ایل کے سیزن10کیلئےانعامی رقم کا اعلان کر دیا۔

پی سی بی کا کہنا ہے کہ پی ایس ایل 10کا فائنل جیتنے والی ٹیم کو ٹرافی کے ساتھ5لاکھ امریکی ڈالر (تقریباً ساڑھے 14 کروڑ روپےپاکستانی ) جبکہ رن اپ ٹیم کو2لاکھ امریکی ڈالر (تقریباً 5 کروڑ 61 لاکھ روپے پاکستانی)دیئے جائینگے۔

پی ایس ایل 10کا آغاز آج سے ہو گیا ہے ،پنڈی سٹیڈیم میں افتتاحی تقریب کا انعقاد کیا گیا۔ راولپنڈی میں منعقد کی گئی افتتاحی تقریب میں شائقین شامل تھے،تقریب میں پاکستانی گلوکاروں نے پرفارم کیا، پہلا میچ دفاعی چیمپئن اسلام آباد یونائیٹڈ اور دو بار کی چیمپئن لاہور قلندرز کے مابین کھیلا جائے گا۔

34 میچوں پر مشتمل ٹورنامنٹ 6 ٹیموں کے درمیان 18 مئی تک جاری رہے گا، لاہور کے قذافی سٹیڈیم میں13میچز ہوں گے، جن میں دونوں ایلیمینیٹرز اور فائنل شامل ہیں۔