ویب ڈیسک:آسٹریلوی کرکٹر ڈیوڈ وارنر نے کھیل کے ساتھ ساتھ فلمی دنیا میں بھی قدم رکھ لیا ہے،وارنز کی پہلی بھارتی فلم رواں ماہ ریلیز ہوگی۔

انڈیا میڈیا کی رپورٹس کے مطابق آسٹریلوی کرکٹر ڈیوڈ وارنر نے تیلگو مووی روبن ہڈ میں مختصر کردار ادا کیا ہے،آسٹریلیا کے سٹار کرکٹر ڈیوڈ وارنر نے فلم کا پوسٹر اپنے سوشل میڈیا اکاؤنٹ پر شیئر کیا،اورلکھا کہ بھارتی سنیما میں آرہا ہوں۔

انہوں نے مزید کہا کہ میں روبن ہڈ فلم کا حصہ بننے پر کافی پُرجوش ہوں اور اس میں کام کرکے لطف اندوز ہوا،وارنر نےفلم کی ریلیز 28مارچ کو ہونے کا بھی اعلان کیا۔

ڈیوڈ وارنر آئی پی ایل کی وجہ سے بھارت میں کافی مشہور ہیں، ان کی تامل گانوں پر ڈانس کی ٹک ٹاک ویڈیوز کافی وائرل ہوچکی ہیں۔