ویب ڈیسک:پاکستانی اداکارہ مریم نفیس اوران کے شوہر امان احمد کے ہاں پہلے بچے کی پیدائش ہوئی ہے۔

مریم نفیس نے گزشتہ روز سوشل میڈیا ایپ انسٹاگرام پراپنے مداحوں کو خوشخبری دیتے ہوئے بتایا کہ ان کے گھر میں بیٹے کی ولادت ہوئی ہے،انہوں نے انسٹاگرام پر شوہر اور نومولود بیٹے کے ہمراہ کئی تصاویر بھی شیئر کیں اوربیٹے کا نام سید عیسیٰ امان بتایا۔

مریم نفیس نے کہا کہ سید عیسیٰ امان تقریباً ایک ہفتے قبل اس بابرکت مہینے میں دنیا میں آیا جس کے بعد ہماری زندگی اور بھی خوبصورت ہوگئی،اس ننھے شہزادے نے ہمیں کم وقت میں اپنا دیوانہ بنا دیا۔

شوبز انڈسٹری سے تعلق رکھنے والے دوست اور مداحوں کی جانب سے مریم کو مبارک باد دی جارہی ہے۔

اداکارہ مریم نفیس نے اپنے دوست امان احمد کے ساتھ2022میں شادی کی تھی۔