ویب ڈیسک:امریکی صدر ڈونلڈ ٹرمپ اور روس کے صدر ولادیمیر پوتن کے درمیان ٹیلی فونک گفتگو ہوئی ہے۔
وائٹ ہاؤس کے مطابق ڈونلڈ ٹرمپ اور پوٹن نے اس بات پر اتفاق کیا کہ یوکرین کی جنگ کا اختتام ایک پائیدار امن کے ساتھ ہونا چاہئے ،دونوں رہنماؤں نے اس اہم امور پر 2 گھنٹے سے زائد وقت تک بات چیت کی۔
دونوں رہنماؤں کی جانب سے اس بات پر زور دیا کہ امریکا اور روس کے درمیان دو طرفہ تعلقات میں بہتری لانے کی ضرورت ہے۔
بیان میں یہ بھی کہا گیا کہ یوکرین اور روس دونوں کی جانب سے اس جنگ میں استعمال ہونے والے پیسوں کو اپنے عوام کی ضروریات پر خرچ کرنا زیادہ بہتر ہوگا۔
امریکی صدر نے کہا کہ یہ تنازع کبھی شروع نہیں ہونا چاہئے تھا اور اسے بہت پہلے ہی نیک نیتی کےساتھ پُرامن طور پر ختم کر دینا چاہئے تھا۔
