ایک نیوز:اسٹیٹ بینک کی جانب سے زرمبادلہ کے ذخائر کے اعداد و شمار کی ہفتہ وار رپورٹ جاری کردی گئی۔
رپورٹ کے مطابق زرمبادلہ کے سرکاری ذخائر میں گزشتہ ہفتے کے دوران 4 کروڑ 89 لاکھ ڈالر کا اضافہ ہوا ،14 مارچ تک زرمبادلہ کے سرکاری زخائر کی مالیت 11 ارب 14 کروڑ 68 لاکھ ڈالر ریکارڈ کی گئی ،کمرشل بینکوں کے ذخائر میں 3 کروڑ 80 لاکھ ڈالر کا اضافہ ہوا۔
اسٹیٹ بینک آف پاکستان کے مطابق کمرشل بینکوں کے پاس 4 ارب 86 کروڑ 90 لاکھ ڈالر کے ذخائر موجود ہیں ،زرمبادلہ کے مجموعی ملکی ذخائر 16 ارب 1 کروڑ 58 لاکھ ڈالر کی سطح پر ہیں۔
