ایک نیوز: ادارہ شماریات  کی جانب سے  مہنگائی سے متعلق ہفتہ وار اعدادوشمار جاری  کردئے گئے۔

ادارہ شماریات کی جاری کردہ اعدادوشمار کی رپورٹ کے مطابق ہفتہ وار بنیادوں پر مہنگائی کی شرح میں کمی ریکارڈ کی گئی ، ایک ہفتے میں مہنگائی کی شرح 0 اعشاریہ 35 فیصد تک مزید گر گئی، ہفتہ وار بنیادوں پر مہنگائی بڑھنے کی سالانہ شرح 1.20 فیصد ریکارڈ  ہوا،  ایک ہفتے کے دوران 18 اشیاء سستی،11 کی قیمتوں میں اضافہ ہوا۔

رپورٹ کے مطابق ایک ہفتے کے دوران ٹماٹر فی کلو 5 روپے 67 پیسے سستے ہوئے، گزشتہ ہفتے میں پیاز کی فی کلو قیمت میں 4 روپے 23 پیسے کی کمی ہوئی، ایک ہفتے کے دوران انڈے فی درجن 13 روپے 41 پیسے سستے ہوئے، گزشتہ ہفتے کے دوران لہسن فی کلو 35 روپے سے زائد تک سستا ہوا، ہفتہ وار بنیادوں پر چینی فی کلو 1 روپے 49 پیسے تک سستی ہوئی، چائے کی پتی،جلانے کی لکڑی،دال ماش اور مونگ بھی سستی ہونے والی اشیاء میں شامل۔

دوسری جانب ایک ہفتے کے دوران  ایل پی جی کا گھریلو سلنڈر  کلو 50 روپے 7 پیسے مہنگا ہوا، ہفتہ وار بنیادوں پر سگریٹ،بیف،دہی مہنگی ہونے والی اشیاء میں شامل ہیں ،جبکہ چاول ،مٹن ،تازہ دوھ ،خشک دودھ سمیت 22 اشیا کی قیمتیں مستحکم  ہیں۔