ایک نیوز: کاروباری ہفتے کے آخری روز  اسٹاک  مارکیٹ میں اتارچڑھاؤ  کا سلسلہ   جاری  رہا۔

تفصیلات کے مطابق پاکستان اسٹاک ایکسچینج میں کاروبار  کے اختتام پر  ہنڈرڈانڈیکس 327 پوائنٹس کی کمی سے ایک   لاکھ 18 ہزار 442 پوائنٹس پر بند ہوا۔

اسٹاک مارکیٹ میں  دن بھر مجموعی طور پر 435 کمپنیوں کے شیئرز میں کاروبار ہوا ،193 کمپنیوں کے شیئرز کی قیمتوں میں اضافہ جبکہ 190 کے شیئرز میں کمی ہوئی۔

بازار میں  36 کروڑ 91 لاکھ سے زائد شیئرز کا لین دین ہوا ، 23 ارب 27 کروڑ سے زائد مالیت کے شیئرز کے سودے ہوئے ،مارکیٹ کی بلند ترین سطح 119،405 جبکہ کم ترین سطح 118،334 پوائنٹس رہی۔

دوسری جانب انٹر بینک میں ڈالر   3پیسے مہنگا ہوگیا،   کاروبار کے اختتام پر   ڈالر 280روپے 23پیسے سے بڑھ کر  280روپے 26پیسے پر بند ہوا۔