ویب ڈیسک: مکہ مکرمہ سمیت سعودی عرب کے متعدد شہروں میں ابررحمت برس پڑی، بارش کے باعث مسجد الحرام میں روح پرور مناظر دیکھنے میں آئے۔
مسجد الحرام میں بھی بارانِ رحمت برسنے کے روح پرور مناظر دیکھنے میں آئے، اس دوران زائرین نے انتہائی ذوق و شوق سے عمرہ کے اراکین انجام دیئے،بارش کے دوران بھی زائرین طواف کعبہ اور عبادتوں میں مصروف رہے۔
سعودی محکمہ موسمیات کی جانب سے مکہ مکرمہ اور اس کے اطراف میں شدید بارشوں کا الرٹ جاری کرتے ہوئے شہریوں کو غیر ضروری طور پر گھر سے نہ نکلنے کی ہدایات جاری کی گئیں ہیں۔
