ویب ڈیسک: غزہ میں اسرائیلی بربریت کا سلسلہ جاری ہے ، مزید حملوں سے 59فلسطینی شہید ہوگئے۔
اسرائیل کی جانب سے غزہ پر حملوں کا سلسلہ جاری ہے ، اسرائیلی فوج کے تازہ حملوں میں 59 فلسطینی شہید ہوگئے جبکہ 3 روز میں اسرائیلی حملوں سے 200 بچوں سمیت 600 فلسطینی شہید ہوئے ہیں ۔
اسرائیلی فوج نے رفح میں بھی زمینی آپریشن اور شمالی علاقوں کی طرف پیش قدمی کی جس کے باعث بےگھر فلسطینی پھر سے علاقہ چھوڑنے پر مجبور ہوگئے ہیں۔
دوسری جانب القسام بریگیڈ نے غزہ سے اسرائیلی دارالحکومت تل ابیب پر متعدد راکٹ حملے کیے جس کے باعث اسرائیلی علاقوں میں خطرے کے سائرن بجنے لگے جبکہ اسرائیل کی جانب سے راکٹ مار گرانے کا دعویٰ بھی کیا گیا ہے۔
