ایک نیوز:وزیراعلیٰ پنجاب مریم نوازشریف  نے سرکاری ہسپتالوں کے واجبات کی فوری ادائیگی کا حکم   دے دیا۔ 

تفصیلات کے مطابق  وزیراعلیٰ مریم نوازشریف  نے  ہدایات جاری کرتے ہوئے کہا ہے کہ  سرکاری ہسپتالوں    میں  فری میڈیسن کی فراہمی یقینی بنانے کےلئے اقدامات  کیے جائیں،  وزیراعلیٰ مریم نوازشریف کا ہرسرکاری ہسپتالوں میں دستیاب میڈیسن لسٹ آویزاں کرنے کا حکم   دیا ہے۔ 

وزیراعلیٰ  مریم نواز نے  دستیاب میڈیسن لسٹ کے لئے الیکٹرانک بورڈ نصب کرنے کی ہدایت  کرتے ہوئے  سرکاری ہسپتالوں میں مریم نواز شکایات کاؤنٹر فعال اور نمایاں کرنے کا حکم  بھی دیا ہے۔ 

وزیراعلیٰ مریم نوازشریف کی ہدایت پر مریضوں کو کال کرکے فیڈ بیک بھی لیا جائے گا ، ویٹنگ روم میں تیمارداروں کے لئےکرسیاں اور بینچ فراہم  کی جائیں گی۔

مریم نواز شریف نے احکامات جاری کرتے ہوئے کہا ہے کہ  ہسپتالوں کے اوپن ویٹنگ ایریا میں مسٹ فین مہیا  کیےجائیں،  روزانہ ہسپتالوں کا وزٹ  کیا جائے۔

چیک لسٹ رپورٹ کی اصولی منظوری ہسپتالوں کی حقیقی صورتحال جاننے کے لئے ایک سے زائد ادارے چیک لسٹ تیار کریں گے ،چیک لسٹ میں ڈاکٹر، سٹاف کی حاضری، فری ادویات، لیب ٹیسٹ، بائیو میڈیکل ایکیومنٹ شامل ہیں۔

 وزیراعلیٰ مریم نوازشریف کی ہسپتالوں میں آپریشن اور ٹیسٹوں کے لئے ویٹنگ لسٹ کی مانیٹرنگ کی ہدایت ،پارکنگ، کیفے ٹیریا اور وہیل چیئر کی دستیابی کی صورتحال بھی روزانہ چیک ہوگی۔

ہسپتالوں میں انفیکشن کا سبب بننے والے بوسیدہ پردے ہٹا کر بلائینڈر لگانے کا اصولی فیصلہ  ،سرکاری ہسپتالوں کی لیب کی کوالٹی آڈٹ پر اتفاق، ہیلتھ کئیر کمیشن کو ٹاسک دیا جائے گا۔

وزیراعلیٰ  پنجاب مریم نوازشریف نے میڈیکل سٹی پراجیکٹ کا پلان بھی طلب کر لیا۔