ایک نیوز: نیوزی لینڈ نے پاکستان کوپانچویں ٹی20میں شکست دیدی ،پاکستان نے نیوزی لینڈ کو جیت کیلئے 129رنز کا ہدف دیاتھا،پاکستان نے 9وکٹوں پر 128 رنز بنائے ۔

کیویز نے سیریز چار ایک سے جیت لی،نیوزی لینڈ نے 129رنز کا ہدف 10ویں اوورزمیں پورا کر لیا،نیوزی لینڈ کے بیٹر ٹم سیفرٹ 97رنز بنا کے مین آف دی میچ قرار پائےجبکہ فن ایلن نے 27 رنز سکور کیے۔

کپتان سلمان آغا 51رنز بنا کر نمایاں رہے،شاداب خان28 ، محمد حارث نے 11 رنز بنائے، عمیر یوسف،عثمان خان 7،7اور حارث رؤف نے 6رنز بنائے،نیوزی لینڈ کے بولر جیمز نیشام نے 5 وکٹیں حاصل کیں جیکب ڈفی2، بن سیئرزاور ایش سوڈھی نے ایک ایک وکٹ حاصل کی۔

سیریز کے آخری میچ میں چار تبدیلیاں قومی سکواڈ میں کی گئی ہیں،ٹیم سے فاسٹ بولر شاہین شاہ آفریدی کو ڈراپ کیا گیا ہے، پاکستان ٹیم میں عمیر بن یوسف،عثمان خان،جہانداد خان،سفیان مقیم،محمد علی کی شمولیت ہوئی ہے۔

اس کے علاوہ قومی ٹیم میں کپتان سلمان علی آغا سمیت حسن نواز، شاداب خان اور حارث رؤف بھی شامل ہیں۔

خیال رہے کہ نیوزی لینڈ پہلے ہی پاکستان سے ٹی 20 سیریز جیت چکی ہے ،پاکستان نے تیسرے میچ میں کیویز کیخلاف کامیابی حاصل کی تھی۔

rn