ایک نیوز:وزیر اعلی ٰپنجاب مریم نواز شریف کے ہسپتالوں کے دورے کام کرگئے ،غریب مریضوں کو اب ہسپتالوں میں بہترین طبی سہولیات ملے گی ، ہسپتالوں  میں کون کون سے دوائی ہے اب سب کی نظر میں ہو گی۔

محکمہ سپیشلائزڈ ہیلتھ کئیر پنجاب کا بڑا بڑا اقدام ،محکمہ صحت سپشلائزد ہیلتھ کے سرکاری ہسپتالوں  میں ادویات کی فہرستیں جاری کرنے کا حکم  ، مراسلہ جاری کردیا گیا۔

 مراسلے  میں  کہا گیا ہے کہ  ہسپتالوں کی ایمرجنسی اور آئی سی یو میں سرجیکل و ڈسپوزیبل سامان کو ہر صورت ممکن بنایا جائے  ،ہر ہسپتال کی ایمرجنسی و آئی سی یو صورت میں سرنجیز، کینولا، ڈرپ سیٹ، سرجیکل گلووز، سرجیکل ٹیپ بٹرفلائی نے نیڈلز موجود ہونی چاہیے ،سرجیکل سوچرز، یورین بیگ، فولی کیتھر، کاٹن رول، کاٹن بینڈیج بھی موجود ہونی چاہیے،نیسوگیسٹرک ٹیوب اور اینڈتراچیل ٹیوب موجود ہونی چاہئے۔

مراسلے میں مزید کہا گیا ہے کہ  ہر سرکاری ہسپتال اب ادویات کی ڈیجیٹل اور مینئول فہرستیں آویزاں کرے گا ،سرکاری ہسپتالوں میں شکایات کاؤنٹرزفعال کرنے کی ہدایت کی گئی ہے ،سرکاری ہسپتالوں میں آنے والے مریضوں کو کوئی پریشانی نہیں آنی  چاہئے ،ہسپتالوں میں ڈیوٹی روسٹر آویزاں کرنے کی ہدایت کی گئی ہے ،ہسپتالوں میں صفائی ستھرائی کو بھی یقینی بنانے کی سخت ہدایت کی گئی ہے۔