ویب ڈیسک:بھارتی اداکارہ راکھی ساونت نے پاکستانی اداکارہ ہانیہ عامر اور بالی ووڈ سُپر سٹار سلمان خان کی شادی کی خواہش کا اظہار کر دیا گیاہے۔

کچھ دن قبل ہانیہ عامر کو برطانوی پارلیمنٹ کیجانب سے ایوارڈ سے نوازا گیا،سوشل میڈیا پر وائرل ایک ویڈیو میں ہانیہ عامر نے راکھی ساونت کی معصومانہ اور تفریحی باتوں کی تعریف کی ہے، اس پر ردعمل میں راکھی ساونت کا کہنا ہے کہ مجھے ہانیہ بہت پسند ہے، میں چاہتی ہوں کہ وہ میرے بھائی سلمان خان سے شادی کر لے۔

راکھی نے کہا کہ ہانیہ نہایت خوبصورت اور باصلاحیت اداکارہ ہیں جو گڑیا اور پاکستانی بیوٹی ہیں اور پوری دنیا میں مقبول ہیں،راکھی ساونت کے اس تبصرے پر سوشل میڈیا پر ملا جلا ردعمل آیا، کچھ صارفین نے اسے مزاحیہ قرار دیا جبکہ کچھ نے سلمان خان اور ہانیہ عامر کے درمیان عمر کے فرق پر سوال اٹھایا۔