ویب ڈیسک:پاکستانی اداکار فیروز خان کو برطانوی پارلیمنٹ کیجانب سے ایوارڈ سے نوازا گیا ہے۔

اداکار فیروز خان کو یہ ایوارڈ برطانوی پارلیمنٹ کے اراکین نے پیش کیاجس میں بیرونس پاؤلا الدین، ایم پی روپ حق، لارڈ کلدیپ سنگھ اور کاروباری شخصیت منصور شفیق شامل تھے۔

لندن میں ہونیوالی اس تقریب میں فیروز اپنی اہلیہ ڈاکٹر زینب کیساتھ شریک ہوئے، یہ ایوارڈفیروز خان کو شوبز انڈسٹری میں اپنی خدمات پیش کرنے کیلئے دیا گیا ہے،اداکار نے ایوارڈ ملنے کی خوشی کو سوشل میڈیا پلیٹ فارم انسٹاگرام پر بھی شیئر کیا۔

فیروز نے ارکان پارلیمنٹ کا شکریہ ادا کرتے ہوئے کہنا تھا کہ فنون، ثقافت اور تنوع جیسی اہم چیز پر کام کرنے کے لیے پہچانا جانا میرے لیے بہت خاص ہے، یہ اعزاز قابل احترام پارلیمنٹیرینز کی موجودگی میں حاصل کرنا واقعی عاجزی کی بات ہے جو فنون لطیفہ اور ثقافت کی بہت اچھی سمجھ رکھتے ہیں۔

خیال رہے کہ اس سے قبل برطانوی پارلیمنٹ کی طرف سے یہ ایوارڈ اداکارہ ماہرہ خان اور اداکارہ ہانیہ عامر کو بھی دیا جاچکا ہے۔