ویب ڈیسک:غزہ میں عید الفطر کے دوسرے روز بھی فلسطینیوں پر اسرائیلی بربریت کا سلسلہ جاری ہے۔ 

غیر ملکی  میڈیا کے مطابق غزہ میں اسرائیلی فورسز کے حملوں میں بچوں سمیت 64 افراد شہید اور درجنوں زخمی ہوگئے ہیں  ، غزہ کے جنوبی علاقے پر اسرائیلی حملے میں 3افراد شہید ہو گئے،  جبکہ  خان یونس پر اسرائیلی حملے میں 6 فلسطینی شہید اور متعدد زخمی ہوئے۔

فلسطینی حکام کے مطابق رفاہ کے قریب اسرائیلی فائرنگ کے ایک ہفتے بعد 14 لاشیں برآمد ہوئیں، لاشیں طبی عملے کے 8 ارکان، 5 شہری دفاع اور ایک یو این ملازم کی ہیں، شہدا کی مجموعی تعداد 50 ہزار سے تجاوزکر گئی، ایک لاکھ 14 سے زائد فلسطینی زخمی ہوئے۔

عرب میڈیا نے مزید بتایا کہ فرانسیسی صدر میکرون نے اسرائیلی وزیراعظم نیتن یاہو سے ٹیلیفونک رابطہ   کرکے  اسرائیل سے غزہ پر حملے بند کرکے جنگ بندی پر عمل کرنے کا مطالبہ کیا ہے۔