ایک نیوز:وزیراعلیٰ پنجاب مریم نوازشریف کاپہلا اور جامع چلڈرن ہارٹ سرجری پروگرام جاری ہے۔

 دوسرے صوبوں کے بچے بھی اس پروگرام سے مستفید ہورہے ہیں،چیف منسٹر چلڈرن ہارٹ سرجری پروگرام کے تحت3162بچوں کی کامیاب ہارٹ سرجری اور اینٹروینشن کی گئی ،وزیراعلی مریم نواز شریف کی ہدایت پر ہر ماہ غیر ملکی چلڈرن ہارٹ سرجن کی ٹیم دورہ کرے گی۔

 چیف منسٹر چلڈرن ہارٹ سرجری پروگرام کے تحت ملک بھر سے 7436 مریض بچوں کی رجسٹریشن ہوئی ،سندھ،بلوچستان، آزاد کشمیر، گلگت بلتستان اور خیبرپختونخواکے ہارٹ پیشنٹ بچوں کی مفت ہارٹ سرجری کی جارہی ہے ۔

خیبرپختونخواہ کے 316 ہارٹ پیشنٹ بچوں کی پنجاب کے سرکاری اور پرائیویٹ ہسپتالوں میں مفت سرجری اور علاج ہوگا سندھ کے 51بچوں کی ہارٹ سرجری کے لئے چلڈرن ہارٹ سرجری پروگرام میں رجسٹریشن کرائی گئی ۔

وزیراعلیٰ مریم نوازکا کہنا ہے کہ چلڈرن ہارٹ سرجری پروگرام کے تحت گلگت بلتستان کے 30بچوں کی ہارٹ سرجری ہوگی ،چیف منسٹر چلڈرن ہارٹ سرجری پروگرام کے تحت سرکاری ہسپتالوں میں 2419اور پرائیویٹ ہسپتالوں میں 743 آپریشن ہوئے ،اس پروگرام کے تحت چلڈرن ہارٹ سرجری اور علاج کے اخراجات حکومت پنجاب ادا کررہی ہے۔

 چیف منسٹر ہارٹ سرجری پروگرام کے اجراء سے قبل ہرسال سینکڑوں بچوں زندگی سے ہاتھ دھو بیٹھتے تھے ،لمبی ویٹنگ لسٹ اور ناکافی وسائل کی وجہ سے والدین بے بسی سے بچوں کو تکلیف میں مبتلا دیکھنے پر مجبور تھے ننھے بچوں کی تکلیف برداشت نہیں۔

انہوں نے کہا کہ ہارٹ سرجری کے اخراجات حکومت دے گی،حکومت کے وسائل پر پہلا حق بچوں کا ہے، سب اپنے بچوں جیسے ہیں،پیدائشی امراض قلب میں مبتلا بچوں کا علاج ممکن حد تک جلد اور مفت ہوگا۔
rn​