ایک نیوز:پاکستان ٹیم نیوزی لینڈ کے ہاتھوں ٹی 20کے بعد ون ڈے سیریز بھی ہار گئی، سیریز کے دوسرے میچ میں میزبان کیویز ٹیم نے 84 رنز سے کامیابی اپنے نام کی، فاتح ٹیم کے ہائے نے 99 رنز کی ناقابل شکست دے دی۔

تفصیلا ت کے مطابق کیویز ٹیم نے پہلے کھیلتے ہوئے 8 وکٹوں پر 292 رنز سکور کیے ،جس میں مچل ہائے 99 رنز بنا کر ناقابل شکست رہے، دیگر کھلاڑیوں میں محمد عباس نے 41، نک کیلی 31، ہینری نکلولس 22 جبکہ ریس موریو اور ڈیرل مچل نے 18،18رنز کی اننگز کھیلی۔

 پاکستان کی جانب سے باؤلنگ میں سفیان مقیم اور وسیم جونیئر نے 2،2جبکہ حارث رؤف، عاکف جاوید اور فہیم اشرف نے ایک ایک وکٹ حاصل کی۔

 293 رنز کے ہدف کے تعاقب میں پاکستان کی 32 سکور پر 5قیمتی وکٹیں گر  گئیں  ، کپتان محمد رضوان 5، نائب کپتان 9، بابر اعظم 1، امام الحق 3 اور عبداللہ شفیق 1 کے سکور پر آؤٹ  ہوگئے، فہیم اشرف نے سب سے زیادہ 73 رنز بنائے، نسیم شاہ نے دو مرتبہ بیٹنگ کی اور 51 رنز سکور کیے، سفیان مقیم اور طیب طاہر نے 13،13رنز کی اننگز کھیلی۔

نیوزی لینڈ  کے  بین سیئر نے 5، جیکب ڈفی نے 3، ناتھن سمتھ اور او روکی نے ایک ایک وکٹ حاصل کی۔

یاد رہے کہ  تین ایک روزہ  میچز  کی سیریز کا آخری میچ  5اپریل بروز ہفتہ کو ماؤنٹ مگنوئی میں کھیلا  جائے گا۔