ایک نیوز: وزیر اطلاعات پنجاب عظمیٰ بخاری   نے کہاہے کہ  تھیٹرز مالکان اپنی انڈرٹیکنگ کے مطابق تھیٹرز چلانے کے پابند ہیں۔

تفصیلات کے مطابق وزیر اطلاعات پنجاب عظمیٰ بخاری  نے اپنے  بیان  میں کہا ہے کہ   جو تھیٹرز مالکان انڈرٹیکنگ کی خلاف ورزی کرینگے انکو تھیٹر چلانے کی اجازت نہیں ملے گی ، سٹیج اداکار اور اداکارائیں تھیٹرز کو فیملی تھیٹرز بنانے میں اپنا رول ادا کریں ، عید کے موقع پر شہریوں کو تھیٹرز مالکان اچھی اور معیاری تفریح فراہم کریں ،غیر قانونی اور بغیر لائسنس کسی کو تھیٹرز چلانے کی اجازت نہیں ،پنجاب میں جو بھی غیر قانونی اور بغیر لائسنس تھیٹرز چلائے گا اسکے خلاف سخت کاروائی ہو گی۔

وزیراطلاعات پنجاب نے ہدایت  کی ہے کہ  تمام اضلاع کے ڈی سی اور ضلعی انتظامیہ پنجاب آرٹ کونسل کے نمائندوں کے ساتھ رابطے میں رہیں جو تھیٹرز پالیسی اور ایس او پیز کی خلاف کرے اسکے خلاف بروقت کاروائی عمل میں لائی جائے ، تھیٹرز کے نام پر کسی کو فحاشی اور بے حیائی پھلانے کی اجازت نہیں دی جاسکتی ، جلد خود بھی پنجاب کے مختلف اضلاع کے تھیٹرز کے سرپرائز وزٹ کروں گی۔