ویب ڈیسک:خبروں کی زینت رہنے والی پاکستانی اداکارہ حرا مانی نے حال ہی میںعید کے دنوں میں اپنا فوٹو شوٹ کروایا ہے جس کو سوشل میڈیا صارفین نےبولڈ کہتے ہوئے تنقید کا سامنا بنایا ہے۔

حرا مانی کےمقبول ڈراموں دو بول، کشف، سن یارا اور میرے پاس تم ہو میں اپنی جاندار اداکاری کے باعث شہرت حاصل کر چکی ہیں،انہوں نے عید پر کچھ ایسی ساڑھیاں زیب تن کیں جن میں ان کا جسم نمایاں طور پر ظاہر ہو رہا تھا۔

جیسے ہی انکی تصاویر سوشل میڈیا پرآئیں، مداحوں نے ان پر سخت تنقید کرنا شروع کر دی،ناقدین کا کہنا ہے کہ حرامانی نے ایک بار پھر بولڈ لباس کا انتخاب کر کے اسلامی معاشرتی اقدار کو مجروح کیا ہے۔

ایک صارف کا کہنا تھا کہ حرا مانی دن بدن بولڈ ہوتی جا رہی ہیں وہ دیکھاناکیا چاہتی ہیں،اداکارائیں پیسہ اور کام حاصل کرنے کے لیے ایسے لباس پہنتی ہیں۔

 ایک صارف نے تو یہاں تک کہا کہ نہ چہرے میں کوئی کشش ہے اور نہ ہی کپڑوں میں جدت اور بولڈ لباس پہن کر بھی خوبصورتی نظر نہیں آتی۔