ایک نیوز: پاکستان بزنس  فورم    نے  وزیراعظم محمد شہباز شریف کے بجلی میں کمی کے پیکج کو سراہا ہے۔

تفصیلات کے مطابق پاکستان بزنس فورم   کے  صدر خواجہ محبوب الرحمن  نے  کہا ہے کہ ایک مثبت شروعات کی طرف وزیراعظم کا اہم قدم ہے ، اس اقدام سے زراعت اور انڈسٹری کو کسی حد تک ریلیف ملے گا ۔

انہوں نے کہا بزنس کمیونٹی 12 روپے یونٹ کمی کی منتظر تھی ،امید کرتے ہیں کچھ ماہ کے بعد وزیراعظم شہباز شریف سے بجلی کے نرخ میں مزید خوشخبری ملے گی،  ریجنل ممامک سے مقابلہ کرنے کے  لیے   حکومت  کا مشن 9 سنٹ ہونا  چاہئے  ،بجلی بلوں سے پی ٹی وی فیس اور غیر ضروری سرچارجز کو بھی فلفور ختم کیا جائے ۔ 

خواجہ محبوب الرحمن    نے کہا  کہ  برآمدات کو بڑھانے کے  لیے  روپیہ کو بھی تگڑا کرنے کی ضرورت  ہے، اس وقت روپے میں بھی 20روپے تک مضبوطی کی گنجائش ہے تب ہی مہنگائی میں صحیح معنوں میں کمی واقع ہو سکے گی۔

انہوں نے وزیراعظم  محمد شہباز شریف کی طرف سے ڈسکوز کو پروائیٹ کرنے کے اعلان کو بھی  خوش آئند قرار دیا ہے۔