ویب ڈیسک:نیپال کی نوجوان طالبہ نے اپنی خوبصورت ہنڈرائٹنگ سے عالمی ریکارڈ اپنے نام کرلیاہے۔

تفصیلات کے مطابق نیپال سے تعلق رکھنے والی  نوجوان طالبہ پرکرتی مالا نے اپنی دلکش اور بےمثال خوشخطی کی وجہ سے عالمی شہرت حاصل کی ہے،  ان کی تحریر کو دنیا کی سب سے خوبصورت تحریر قرار دیا جا رہا ہے۔

پرکرتی مالا کو پہلی مرتبہ اس وقت عالمی سطح پر پہچان ملی جب انہوں نے آٹھویں جماعت میں ایک اسائنمنٹ مکمل کیا جو انٹرنیٹ پر وائرل  ہواتھا ،اُس وقت ان کی عمر صرف 16 سال تھی۔

پرکرتی نے متحدہ عرب امارات کے "روح اتحاد 51” (Spirit of the Union 51) پروگرام میں بھی شرکت کی، جہاں انہوں نے اماراتی قیادت اور عوام کے نام ایک تہنیتی خط تحریر کیا، ان کی شاندار لکھائی  کو دنیا بھر میں  خوب سراہا گیا۔

میڈیا رپورٹس  کہا گیا ہے کہ  پرکرتی نے یہ خط نیپالی سفارت خانے کے ذریعے پہنچایا، ان کے فنِ خطاطی کے اعتراف میں نیپالی مسلح افواج نے انہیں اعزازی ایوارڈ سے  بھی نوازا۔