ایک نیوز:سپریم کورٹ کے سینئر ترین جج جسٹس منصور علی شاہ 21اپریل کو بطور قائمقام چیف جسٹس حلف اٹھائیں گے۔
 جسٹس منیب اختر جسٹس منصور علی شاہ سے حلف لیں گے، حلف برداری کی تقریب سپریم کورٹ میں ہوگی، تقریب حلف برداری میں وکلا اور سپریم کورٹ سٹاف شرکت کرے گا ۔
چیف جسٹس پاکستان یحییٰ خان آفریدی کی بیرون ملک سے واپسی تک جسٹس منصور بطور قائمقام چیف جسٹس فرائص انجام دیں گے۔
خیال رہے کہ چیف جسٹس پاکستان جسٹس یحییٰ آفریدی 22اپریل کو غیر ملکی دورے پر جارہے ہیں،
ان کے غیر ملکی دوروں کا اعلامیہ جاری کر دیا گیاہے۔
چیف جسٹس یحییٰ آفریدی ایس سی او عدالتی کانفرنس میں وفد کی قیادت کریں گے ،کانفرنس 22 سے 26 اپریل چین کے شہر ہانگژو میں منعقد ہوگی ۔
وفد میں جسٹس امین الدین، جسٹس شاہد وحید، ضلعی عدلیہ کے دو ججز بھی شامل ہیں،ڈسٹرکٹ اینڈ سیشن جج گوادر ظفر جان، سینئر سول جج ضلع لکی مروت نادیہ گل وزیر وفد کا حصہہیں، چیف جسٹس پاکستان چین کے ساتھ تاریخی مفاہمتی یادداشت پر دستخط کریں گے۔
جسٹس یحییٰ آفریدی کی ایران اور ترکی کے ساتھ دو طرفہ ملاقاتیں بھی شیڈول ہیں، چیف جسٹس پاکستان ایک خصوصی دعوت پر ترکی کا بھی دورہ کرینگے ،چیف جسٹس ترکی کی آئینی عدالت کی 63 ویں سالگرہ کی تقریبات میں شرکت کریں گے۔