ویب ڈیسک:ایچ بی ایل پاکستان سپر لیگ ٹین میں پلیئر ٹریکنگ ٹیکنالوجی متعارف کرادی گئی ہے۔
یہ ٹیکنالوجی پی ایس ایل میں کھیل کے مختلف پہلوؤں کا بال بائی بال ریکارڈ رکھے گی، کھلاڑیوں کی نقل و حرکت بشمول فیلڈرز کے کوآرڈینیٹ، بولر کے رن اپ اور بیٹنگ سٹانس کو ہر ایک ڈلیوری پر فریم بہ فریم ٹریک کیا جائے گا۔
چیف ایگزیکٹیو آفیسر پی ایس ایل سلمان نصیر کا کہنا ہے کہ شائقین کے تجربے کو تقویت دینے کے لیے ہم ایک قدم آگے بڑھا رہے ہیں، ہمارا مقصد ہمیشہ شائقین کو عالمی معیار کی کوریج فراہم کرنا ہے۔
یہ بھی پڑھیں : پی ایس ایل ٹین،افتتاحی تقریب کب اور کہاں ہو گی؟تاریخ سامنے آگئی
انہوں نے کہا کہ پلیئر ٹریکنگ ٹیکنالوجی ایچ بی ایل پی ایس ایل کو جدید کرکٹ براڈکاسٹنگ کے لیے ایک معیار بنانے کی جانب ایک اور قدم ہے۔
یاد رہے کہ پاکستان سپر لیگ کل 11اپریل سے شروع ہو رہی ہے، کل پہلا میچ لاہور قلندرز اور اسلام آباد یو نائیٹڈکے مابین راولپنڈی میں کھیلا جائے گا۔
