ویب ڈیسک:دنیا بھر میں بدنام اور بین الاقوامی سطح پر دہشتگردی کی سرپرستی کرنیوالی  بھارتی خفیہ انٹیلیجنس ایجنسی ’’را‘‘ ہی پہلگام حملے کی منصوبہ ساز نکلی، خفیہ دستاویزات منظر پر آ گئی، جس میں راکے تخریبی منصوبوں کا انکشاف کیا گیا ہے۔

 ذرائع کے مطابق پہلگام فالس فلیگ آپریشن میں بھارتی انٹیلیجنس ایجنسی ’’را‘‘ کا کردار بے نقاب ہو گیا،یہ دستاویزسوشل میڈیا  ایپلیکیشن ’’ٹیلی گرام‘‘ کے ذریعے لیک ہوئی ہے،  دستاویز پہلگام حملے میں بھارتی حکومت کے ملوث ہونے کا بھی واضح ثبوت ہے،دستاویزمیں دی گئی ہدایات اور منصوبے پر عملدرآمد میں تضاد فالس فلیگ کا باعث بنا۔

ذرائع کا کہنا ہے کہ دستاویز میں ہدایت دی گئی ہے کہ پاکستان مخالف بیانیہ کو میڈیا پر 36 گھنٹے کے بعد بنانا ہے، دستاویز کے مطابق آئی ایس آئی پر یہ الزام 36 گھنٹے کے بعد ڈالنا ہے، جبکہ میڈیا نے فالس فلیگ آپریشن کا فوری الزام پاکستان پر عائد  کرکے منصوبہ خراب کردیا، دستاویز اور ان تضادات سے واضح ہوتا ہے کہ بھارتی خفیہ ایجنسی’’ را‘‘  کو بھی کوئی ہدایات دیتا ہے۔

دستاویز کا یوں سوشل میڈیا پر آنا ’’ را‘‘ کے اندر ہندوتوا مخالف سوچ  کا بھی شاخسانہ لگتا ہے،بھارتی حکومت دستاویز کے سوشل میڈیا پر لیک ہونے کی تحقیقات کر رہی ہے۔

سوشل میڈیا پر لیک ہونے والی دستاویز میں ہوشربا انکشافات سامنے آئے ہیں،دستاویزبا عنوان Psy Ops اور بیانیہ کنٹرول میں واضح ہدایات دی گئی ہیں کہ’’واقعے کا بیانیہ یوں مرتب ہو کہ یہ ریاست سمیت غیر مسلموں پر حملہ بن کر ابھرے‘‘۔

راء  دستاویز کے مطابق اس واقعے کو ابھارنے کیلئے  یہ وقت بہت اہم ہوگا،میڈیا کے اثاثوں کو 36 سے 48 گھنٹے پہلے واقعے کی جگہ پر متحرک کیا جائے گا، ضلع اننت ناگ میں ایک کارروائی عمل میں لائی جائے گی ،سیاحوں کی آمد و رفت کی نگرانی کے بہانے خاص جگہوں پر اپنے فیلڈ آپریٹرز  تعینات کیے جائیں گے ،حملے کے 2 سے 4گھنٹے کے اندر اے آئی سسٹم کے تحت گواہوں کے بیانات لیے جائیں گے،دھندلی ویڈیوز کی مدد سے واقعہ کی تصویریں دوبارہ بنائی جائیں گی،مرکزی ہیش ٹیگ کے بجائے 200 سے زائد سوشل میڈیا اکاؤنٹس کے ذریعے غلط معلومات کی مہم چلائی جائے گی ۔

دستاویز میں مزید کہا گیا ہے کہ آئی ایس آئی پر الزام ڈالنے کیلئے  ٹرینڈز کو بغیر کنٹرول کے پھیلایا جائے گا،بحث کا رخ کشمیر سے ہٹا کر عالمی اسلامی سازشوں کی طرف موڑنے کی کوشش کی جائے گی،شمالی کمان حملے کی جگہ کے قریب سے ملنے والی خط و کتابت کو آئی ایس آئی سے منسلک کرے گی، شمالی کمان فرانزک انداز میں آئی ایس آئی کی مبینہ دستاویزات لیک کرے گی،آپریشن کو امریکی نائب صدر جے ڈی وینس کی سفارتی موجودگی کے مطابق  ترتیب دیاگیا ہے ،عالمی برادری سے انسداد دہشتگردی پر یکجہتی کی اپیل بھی کی جائے گی۔

دستاویزات میں متبادل منصوبے کی نشاندہی کرتے ہوئے کہا گیا ہے کہ شوپیاں میں متبادل نظام فعال کر دیا گیا ہے، لیک ہونے کی صورت میں متبادل پلان کے طور پر کام کرے گا،ایل او سی پر پاکستان کی تیز پیش قدمی بھارت کے کنٹرول کو چیلنج کر سکتی ہے، 1.3 کلومیٹر حد کی خلاف ورزی اقوام متحدہ یا چین کی ثالثی کو دعوت دے سکتی ہے،  ایل او سی پر پاکستان کی تیز پیش قدمی بھارت کے کنٹرول کو چیلنج کر سکتی ہے،1.3 اشاریہ 3 کلومیٹر حد کی خلاف ورزی اقوام متحدہ یا چین کی ثالثی کو دعوت دے سکتی ہے۔

راءدستاویز میں کہا گیا ہے کہ بھارتی پیش قدمی کو 1.2 کلومیٹر تک محدود رکھنے کی ہدایات جاری کر دی گئی ہیں،غیر جانبدار ممالک کی جانب سے ممکنہ مزاحمت یا دباؤ کا سامنا ہو سکتا ہے،کوڈ INDOPACOM کے ذریعے متبادل لائن  TANGO-ECHO کو چالو رکھا جائے گا،بلوچستان میں بی ایل اے اور بی این اے کی سرگرمیوں اور رد عمل میں فرق پیدا ہونے کا خدشہ ہے،کشمیر حملے کے بعد 3سے 48 گھنٹے کے اندر کارروائی کیلئے  ٹائم ونڈوز مقرر کی جائیں گی ، بی ایل اے سیلز T-48 پر سوئی اور کوئٹہ میں سرگرمیاں شروع کریں گے،ہندو ہلاکتوں کو صرف مخصوص غیر ریاستی پلیٹ فارمز تک محدود رکھنے کی ہدایت جاری کی جاتی ہے ۔

را ءدستاویز میں مزید بتایا گیا ہے کہ اننت ناگ اور کاندرا بل کوریڈور میں سادہ لباس میں ڈینٹرس سکواڈ تعینات کیا جائے گا ،چین کی اقتصادی اہداف جیسے سی پیک اور گوادر پر ابتدائی عمل درآمد کے دوران نظر رکھی جائے گی،حتمی فیصلہ R&AW نکات پر مبنی ہوگا،  ’’اگر 21 اپریل 2025 تک کوئی مسئلہ نہیں آتا، تو حتمی کمانڈ اینالاگ چینل سے فراہم کی جائے گی۔‘‘آپریشن کے بعد تمام فیلڈ آپریٹو کیلئے  بلیک اسٹیٹس کو قبول کیا جائے گا۔

دفاعی ماہرین کے مطابق پہل گام واقعہ انٹیلیجنس ایجنسی را کی طے اور منظور شدہ کارروائی ہے ،کشمیریوں کیخلاف  بھارت کی نفرت کھل کر بے نقاب ہو گئی ہے، سیاسی مقاصد کے حصول کیلئے  معصوم شہریوں کو نشانہ بنانا مودی سرکار کا وطیرہ ہے ،یہ دستاویز ثابت کرتی ہیں کہ پہل گام بھی پچھلے حملوں کی طرح فالس فلیگ آپریشن تھا۔