ایک نیوز:  پنجاب حکومت نے پرائیویٹ سیکٹر کے ذریعے گندم کی خریداری کا فیصلہ کیا ہے۔

تفصیلات کے مطابق وزیراعلی ٰ  پنجاب مریم نواز شریف کی زیرِ صدارت گندم کی کٹائی سے قبل صورتحال کا جائزہ اجلاس  ہوا۔

وزیراعلیٰ پنجاب نے گندم کی ریکارڈ پیداوار پر پنجاب کے کسانون  کو شاباش اور   زبردست خراج تحسین  پیش کیا  ،گندم کے کاشتکاروں کو حکومت پنجاب کی طرف سے ایک ہزار ٹریکٹر مفت دئیے گئے۔

اجلاس   میں  پنجاب میں گندم کی آزادانہ نقل و حمل کی اجازت  دی گئی اور پرائیویٹ سیکٹر کے ذریعے گندم کی خریداری کا فیصلہ  کیا گیا ،  فری مارکیٹ اور ڈی ریگولیشن کی پالیسی جاری رکھنے کا فیصلہ  بھی فیصلہ کیا گیا ہے۔

اس موقع پر وزیراعلیٰ  پنجاب مریم نواز نے کہا  کسان ہمارے بھائی ہیں ،  ان کے مفاد کا ہر صورت تحفظ کیا جائے گا۔