ایک نیوز:اداروں اور ریاست  مخالف پروپیگنڈے  کرنے پر گلوکارسلمان احمد کے خلاف پیکا ایکٹ کے تحت مقدمہ درج کرلیا گیا ہے۔

پولیس کے مطابق سلمان احمد پر اداروں اورریاست مخالف پروپیگنڈا کرنے پر مقدمہ پولیس کی مدعیت میں تھانہ ڈیفنس اے میں درج کیا گیا ہے۔

ایف آئی آر کے متن کے مطابق سلمان احمد نے قومی اداروں کیخلاف  سوشل میڈیا پر جھوٹا پروپیگنڈا کیا اور سوشل میڈیا پر نفرت انگیز  پوسٹ کو وائرل کیا۔

ایف آئی آر میں  مزید کہا گیا ہے کہ سلمان احمد کی پوسٹ ڈیوٹی پرتعینات پولیس آفیسر نے خود دیکھی۔

خیال رہے کہ گزشتہ سال دسمبر میں  بانی پی ٹی آئی  کیخلاف  سوشل میڈیا  پر  پوسٹس کرنے پر گلوکار سلمان احمد کی پی ٹی آئی کی بنیادی رکنیت ختم کردی گئی تھی اور انہیں پارٹی سے  بھی  نکال دیا گیا تھا۔