ویب ڈیسک:پنجاب حکومت نے فلم انڈسٹری کو پروموٹ کرنے کیلئے بڑا فیصلہ کرلیا۔
ذرائع کے مطابق وزیراعلیٰ پنجاب مریم نوازشریف نے ملک کی فلم انڈسٹری کیلئے2ارب روپے کی گرانٹ تقسیم کرنے کی منظوری دیدی ہے۔
وایراعلیٰ پنجاب مریم نواز نے مقبول ترین فلمیں بنانے والے فلم سازوں اور ہدایتکاروں کو رقم مل سکے گی جس کیلئے وزیراعلی نے ایک فلم فنڈز ڈسٹریبیوشن کمیٹی بھی تشکیل دے دی ہے،اس فنڈز ڈسٹریبیوشن کمیٹی کی سربراہ سینئر صوبائی وزیر مریم اورنگزیب ہوں گی ۔
کمیٹی میں صوبائی وزیر انفارمیشن اینڈ کلچر عظمی بخاری، صوبائی وزیر خزانہ مجتبیٰ شجاع الرحمن شامل ہونگے، کمیٹی میں سیکرٹری انفارمیشن، سیکرٹری پی اینڈ ڈی، سیکرٹری خزانہ بھی شامل ہوں گے۔
خیال رہے کہ فنڈز ان ہدایت کاروں اور فلم سازوں کو ملیں گے جنہوں نے پانچ سالوں میں کم از کم ایک فلم بنائی ہو جبکہ فنڈز کے حصول کیلئےضروری ہوگا کہ فلم کا سکرپٹ اور کاسٹ سے متعلق بھی تفصیلات بتائی جائیں۔