ایک نیوز:وزارت مذہبی امورکی جانب سے  پرائیویٹ عازمین حج کے لیے ہدایات نامہ جاری کردیا گیا۔

ترجمان وزارت مذہبی امور  کے مطابق  رواں سال پرائیویٹ حج سکیم کے تحت صرف 23ہزار  620 عازمین فریضہ حج ادا کر سکیں گے۔

ہدایت نامے کے مطابق حج 2025 کے کوٹہ،سروس پرووائیڈرز کی فہرست وزارت مذہبی امور کی ویب سائٹ اور پاک حج ایپ پر اپ ڈیٹ کر دی گئی ہے، تمام عازمین، جنہوں نے رجسٹرڈ سروس پرووائیڈرز کے ساتھ بکنگ سمیت اپنی درخواست کی حیثیت اور معاہدہ چیک کریں۔

ہدایت نامے میں کہا گیا ہے کہ  عازمین حج اپ ڈیٹس اور معلومات کے لیے پاک حج2025 موبائل ایپ کا استعمال کریں،تمام سروس پرووائیڈرز کمپنیاں منظورشدہ كوٹہ كےمطابق عازمین حج کو اپ ڈیٹ شدہ معاہدہ (حج فارم) فراہم کریں، سعودی عرب کی تعلیمات کے مطابق 18 اپریل تک عازمین حج کے ویزا اجراء کے عمل کو یقینی بنائیں۔

عازمین حج درج ذیل نمبرز 0519218571،0519207519 ،یا ای میل [email protected] کے ذریعے اپنی شکایات درج کرسکتے ہیں۔