ویب ڈیسک:پاکستان کی اداکارہ انوشے اشرف کا شمار ان کامیاب اداکاراؤں میں ہوتا ہےجنہوں نے ٹی وی پر میزبانی کے فرائض انجام دیے جبکہ وہ ماحولیات اور جانوروں کے حقوق کیلئے آواز اٹھانے میں بھی سرگرم رہیں۔
انوشے نے اپنے دوست ڈینو علی سے شادی کرلی ہے ،اداکارہ نے سوشل میڈیا ایپ انسٹاگرام پر سٹوری لگا کر اپنی شادی کی خوشخبری دی،اداکارہ نے اپنی پسندیدہ جگہ ترکیہ میں شادی کی جس کی تصاویر بھی سوشل میڈیا سمیت خبروں کی زینت بنی ہوئی ہیں۔
اداکارہ نے گزشتہ سال جون میں اپنے دوست ڈینو علی سے نکاح کیا تھا جس میں قریبی دوست اور رشتہ داروں نے شرکت کی،انوشے اشرف نے اپنی شادی کے موقع پر ہلکے ہرے رنگ کا لباس زیب تن کیا ہے۔
اداکارہ کی تصاویر وائرل ہونے پر ان کے مداحوں کیجانب سے نیک خواہشات کا اظہار کیا جارہا ہے۔
