ویب ڈیسک:پی ایس ایل سیزن 10 کے تیرہویں میچ میں اسلام آباد یونائیٹڈ نے ملتان سلطانز کو 7 وکٹوں سے شکست دے دی ہے۔

تفصیلات کے مطابق ملتان میں کھیلے جانیوالے  میچ میں ملتان سلطانز کے کپتان محمد رضوان نے ٹاس جیت کر بیٹنگ کا فیصلہ کیا۔

ملتان سلطانز نے پہلے کھیلتے ہوئے 5 وکٹ پر 168 رنز بنائے، عثمان خان 61، محمد رضوان 36 اور یاسر خان 29 رنز کے ساتھ نمایاں رہے۔

اسلام آباد یونائیٹڈ کے  جیسن ہولڈر، محمد نواز اور شاداب خان نے ایک ،ایک وکٹ  حاصل کی۔

اسلام آباد یونائیٹڈ نے 169رنزکا ہدف 18 ویں اوور میں 3 وکٹوں  کے نقصان پر پورا کرلیا۔

اسلام آباد کی جانب سے آیندریس گوس 45 گیندوں پر 80 رنز بنا کر ناقابل شکست رہے،کولن منرو نے 45، صاحبزادہ فرحان نے 22 اور محمد نواز نے 21 رنز  بنائے۔

واضح رہے کہ پی ایس ایل 10 میں یہ اسلام آباد یونائیٹڈ کی مسلسل 5ویں کامیابی ہے جبکہ ملتان سلطانز اب تک صرف ایک میچ ہی اپنے نام کرسکی ہے۔