ایک نیوز:پنجاب میں نئے کار واش سٹیشنز پر پابندی عائد کردی گئی ،محکمہ ماحولیات نے پابندی کا نوٹیفکیشن جاری کردیا۔
نوٹیفکیشن کے مطابق پنجاب میں نئے کار سروس اسٹیشن بنانے پر مکمل پابندی ہوگی، پابندی کی خلاف ورزی پر پاکستان پینل کوڈ کے تحت کاروائی ہوگی، نئے کار واش اسٹیشن بنانے پر پابندی کا عملدآمد فوری ہوگا۔
محکمہ ماحولیات کاکہناہے کہ پنجاب میں پانی کی قلت، ممکنہ خشک سالی کے پیش نظر فیصلہ کیا گیا، ایک گاڑی دھونے پر 400 لیٹر پانی ضائع ہوجاتا ہے، نئے سروس اسٹیشن خشک سالی کو مزید سنگین کرکے ماحولیاتی، سماجی اقتصادی مشکلات کا باعث بنیں گے۔
