ایک نیوز:پی ایس ایل 10،اسلام آباد یونائیٹڈ نے ملتان سلطانز کے خلاف ٹاس جیت کر بینٹگ کا فیصلہ کیا ہے۔
پاکستان سپر لیگ میں ملتان سلطانز اپنا دوسرا میچ دفاعی چیمپئن اسلام آباد یونائیٹڈ کے خلاف راولپنڈی کرکٹ سٹیڈیم میں کھیلے گا۔
خیال رہے کہ ملتان سلطانز کو اپنے پہلے میچ میں کراچی کنگز کے خلاف شکست کا سامنا کرنا پڑا تھا جبکہ دفاعی چیمپئن اسلام آباد نے اپنے دونوں ابتدائی میچ جیت رکھے ہیں ۔
گزشتہ روز پی ایس ایل سیزن10میں کھلے گئے میچ میں لاہور قلندرز نے کراچی کنگز کو 65رنز سے شکست دے دی تھی، لاہور قلندر نے پہلے بیٹنگ کرتے ہوئے مقررہ 20اوورز میں 6وکٹوں کے نقصان پر201رنزبنائے تھے۔
فخر زمان نے76اور ڈیرل مچل نے75رنز کی اننگز کھیلی، سیم بلنگز نے19رنز بنائے، محمد نعیم7اور عبد اللہ شفیق 6رنزہی بناسکے،کراچی کنگز کی جانب سے حسن علی نے 28 رنز دے کر4کھلاڑیوں کو آؤ ٹ کیاجبکہ عباس آفریدی نے ایک وکٹ حاصل کی۔
کراچی کنگز 202رنز کے ہدف کے تعاقب میں 136رنز پرڈھیر ہوگئی،خوشدل شاہ 39،حسن علی 27رنز بنا کر نمایاں رہےجبکہ شاہین آفریدی اور رشاد حسین نے3،3وکٹیں حاصل کیں۔
