ویب ڈیسک:انڈین مشہور ومعروف اداکارسیف علی خان کے بیٹے ابراہیم علی خان اپنی پہلی فلم کے ذریعے دادی شرمیلا ٹیگور کو متاثر نہ کرسکے۔
بالی ووڈ کی سینئر اداکارہ شرمیلا ٹیگور نے حال ہی میں اپنے پوتے ابراہیم علی خان کی پہلی فلم ’نادانیاں‘ کے حوالے سے اپنی رائے دیتے ہوئے کہا ہے ان کو اپنے پوتے ابراہیم علی خان کی ہوئی فلم نادانیاں پسند نہیں آئی ہے۔
شرمیلا ٹیگور کا کہنا تھا کہ ابراہیم نےاچھی کوشش کی مگر فلم متاثرکن نہیں تھی،اگرچہ فلم میں ابراہیم کی کارکردگی میں کوشش نظر آتی ہے لیکن مجموعی طور پر فلم انہیں متاثر نہیں کر سکی،ان کا کہنا تھا کہ ابراہیم اس فلم میں بہت خوبصورت لگے اور انہوں نے محنت کی لیکن فلم میں کوئی خاص بات نظر نہیں آئی۔
 شرمیلا ٹیگور کا مزید کہنا تھا کہ اس قسم کی آرا عام طور پر کھلے عام نہیں دی جاتیں، تاہم ایمانداری سے بات کی جائے تو فلم کی کوالٹی مزید بہتر ہو سکتی تھی۔
خیال رہے کہ ابراہیم علی خان اور خوشی کپور کی فلم ’ نادانیاں‘ کو شائقین نے بھی زیادہ پسند نہیں کیااور فلم میں  ابراہیم اور خوشی کی اداکاری پر شدید تنقید بھی کی گئی۔