ایک نیوز:وزیر اطلاعات پنجاب عظمی ٰبخاری نے جمعرات (کل )کو پنجاب میں 3روزہ پنجاب ثقافت دیہاڑ  منانے کا اعلان  کیا ہے۔

تفصیلات کے مطابق اپنے ویڈیو پیغام میں عظمیٰ بخاری کا کہنا تھا کہ الحمرء لاہور میں تین روزہ پنجابی کلچر پروگرام منعقد کیا جا رہا ہے،  وزیراعلیٰ پنجاب  پنجابی کلچر ڈے پروگرام کی مہمان خصوصی ہوں گی ، مریم نواز شریف پنجاب کلچر ڈے کی تقریب سے خطاب بھی  کریں گی۔

انہوں نے کہا کہ پنجابی کلچر پروگرام میں مختلف  پنجابی کلچر  کے  ثقافت پروگرام منعقد کیے جا رہے ہیں، الحمرء کو پنجاب کی ثقافت کے رنگوں میں رنگ دیا گیا ہے، پروگرام میں پنجاب کے روایتی کلچر کو فروغ دیا گیا ہے۔

وزیر اطلاعات کا کہنا تھا کہ پنجاب کے کلچر کی تمام روایات کا عملی نمونہ پیش کیا گیا ہے، تین روزہ کلچر پروگرام میں عوام کی فری انٹری ہوگی، پنجابی کلچر پروگرام میں شرکت کرنے والے شہری الحمراء کی ویب سائٹ پر اپنی رجسٹریشن کر سکتے ہیں۔

عظمیٰ بخاری کا مزید کہنا تھا کہ الحمرء کی فیس بک اور دیگر پلیٹ فارم پر بھی رجسٹریشن کروانے کی سہولت موجود ہے۔