ایک نیوز(چودھری اشرف)آئی سی سی ویمنز کرکٹ ورلڈ کپ کوالیفائرٹیمز کا چیئرمین پاکستان کرکٹ بورڈ محسن نقوی کی دعوت پر کھلاڑیوں و آفیشلز نےواہگہ بارڈر کا دورہ کیا۔
پاکستانی و غیر ملکی خواتین کھلاڑیوں نے پاکستانی پرچم اتارنے کی ولولہ انگیز تقریب دیکھی ،غیر ملکی خواتین کھلاڑی، میچ آفیشلز و ایمپائرز تقریب سے بہت محظوظ ہوئے، پاکستانی و غیر ملکی خواتین کھلاڑیوں نے پاکستان زندہ باد اور جیوے جیوے پاکستان کے نعرے لگائے۔
رینجرز کے جوانوں کی زبردست پریڈ،ویمنز پلئیرز نے بھر پور داد دی، خواتین کھلاڑیوں اور آفیشلز نے پاکستان رینجرز پنجاب کے جوانوں کے ساتھ تصویریں بنوائیں،غیر ملکی پلئیرز نے پاکستان رینجرز پنجاب کی پریڈ کو بہت انجوائے کیا۔
خواتین کھلاڑیوں نے سلفیاں لیں اور شاندار و پر جوش تقریب کی تعریف کی ۔
غیر ملکی کھلاڑیوں کا کہنا تھا کہ یہ ہمارے لیے ایک منفرد تقریب تھی،رینجرز کے جوانوں اور لوگوں کاجوش و خروش دیدنی تھا،پاکستان رینجرز پنجاب کی جانب سے ٹیمز کی کپتان کو سوونیر دئیے گئے۔
