ایک نیوز(چودھری اشرف)پی سی بی نے قومی کرکٹ ٹیم کے نئے ہیڈ کوچ کی تلاش کے لیے اشتہار جاری کردیا۔
ہیڈ کوچ کےلئے ایک بار پھر غیر ملکی کوچ کے نام نکلنے کا امکان ہے،پی سی بی نے اپنی ویب سائٹ پر ہیڈ کوچ کا اشتہار جاری کیا ہے۔
عبوری ہیڈ کوچ عاقب جاوید کو چیمپئنز ٹرافی اورپھر دورہ نیوزی لینڈ تک  کے لیے ذمہ داریاں دی گئی تھیں،عاقب جاوید اب ہیڈکوچ کے لیے دلچسپی نہیں رکھتے ہیں۔
ندیم خان کے مستعفی ہونے کے بعد سے ڈائریکٹر ہائی پرفارمنس کی خالی آسامی پر عاقب جاوید کی تقرری ہوسکتی ہے،پی سی بی نے ڈائریکٹر ہائی پرفارمنس سینٹر کےلئے بھی اشتہار دیا ہے۔
ہیڈ کوچ کے لیے لیول تھری کرکٹ کوچ کی اہلیت درکار ہے،4مئی تک ہیڈ کوچ کیلئے درخواستیں طلب کی گئی ہیں، ہیڈ کوچ کے لیے پی سی بی کے پاس محدود چوائس ہیں اور غیر ملکی کوچ کی طرف پی سی بی کا رحجان زیادہ ہے۔